Şirkətimiz Qarabağ Universitetinin Dizayn və Tətbiqi Sənət Kafedrasına yüksək qrafik göstəriciləri olan 15 ədəd kompüter dəstini hədiyyə edərək, Universitetdə “AZTECH” otağını təsis etmişdir. Kompüterlər dizayner, memar,  yaradıcılıq işləri ilə məşğul olan, eləcə də kiber idmana  həvəsi olan tələbələrin istifadəsi üçün nəzərdə tutulmuşdur. Tədbirin rəsmi hissəsində universitetin rektoru Şahin Bayramov çıxış edərək, şirkətin rəhbərliyinə  bu  təşəbbüsə görə Universitet adından öz təşəkkürünü bildirmişdir.

Qürurverici haldır ki, Qarabağda tarixən mövcud olmuş təhsil ənənələrini yaşadan Qarabağ Universitetində tədrisə bu ilin sentyabr ayından başlanılıb. Qarabağda ilk oyun turniri də məhz Xankəndində, Qarabağ Universitetində  keçirilməsi heç də təsadüfi deyil. 05.12.2024 tarixində universitet tələbələri arasından seçilən 4 güclü komanda arasında “Valorant” və “Counter Strike 2” oyunları üzrə yarış təşkil olundu. Final mərhələsində “Şuşa” komandası qalib oldu, qaliblərə Aztech tərəfindən kubok və medallar, eləcə də  hədiyyələr təqdim olundu. Bu Qarabağda təşkil etdiyimiz ilk oyun turniri olsa da, lakin sonuncu deyil!

Tədbirlərlə ətraflı şəkildə məqaləmizdə tanış ola bilərsiz.