10.12.2024 -cü il tarixində “JW Marriott Absheron Baku” otelində “Mağazamızın 5 yaşı” adlı təntənəli, musiqili tədbirimiz baş tutdu. Tədbirdə şirkətin bütün heyəti ilə yanaşı, distrubyutoru olduğumuz ASUS və LENOVO şirkətlərinin bölgə üzrə səlahiyyətli nümayəndələri, bu 5 il ərzində mağazanın ən yadda qalan, seçilən müştəriləri də fəxri qonaq qismində tədbirimizdə iştirak edirdilər.

27.12.2019-cu ildən fəaliyyət göstərən mağazamızın indiyədək qazandığı uğurlar, bugün pərakəndə bazarda tutduğu özünəməxsus yer, digər mağazalardan fərqləndirən xüsusiyyətləri, şirkətin son illərdəki nailiyyətləri, həyata keçirilən sosial məsuliyyətyönümlü layihələri qonaqlara təqdim olundu. Tədbirin musiqili əyləncəli  proqramında  rəqqaslar, klassik musiqi ifaçıları, eləcə də muasir estradadan tanınmış musiqiçilər öz çıxışlarını təqdim etdilər. Qonaqlar arasında maraqlı viktorina da keçirildi, qalibə hədiyyə təqdim olundu.

Tədbirdə iştirak edən bütün qonaqlarımıza bir daha təşəkkürümüzü bildiririk! Mağazamız hər zaman olduğu kimi, qarşıdakı illərdə də daimə münasib qiymətlər, geniş çeşid və müştəri məmnuniyyəti ilə sizləri sevindirməyə davam edəcək!